Tarixi Gürcüstan Parlament seçkiləri başladı.
Regionpress.ge xəbər verir ki, 26 oktyabr səhər saat 08:00-dan etibarən ölkə üzrə bütün seçki məntəqələri açılıb.
Bu ilki Parlament seçkilərində deputatlıq mandatı uğrunda 5 azərbaycanlı mübarizə aparır. Onlardan 2-si — Savalan Mirzəyev və Zaur Darğallı — hakim “Gürcü Arzusu” partiyasından, Ceyhun Məhəmmədəli “Birlik: Milli Hərəkat” partiyasından, Aqil Mustafayev “Güclü Gürcüstan” koalisiyasından, digər 1-i isə Oqtay Kazımov “Dəyişiklik üçün Koalisiya”dan namizəd olaraq iştirak edir.
Qeyd edək ki, 2024-cü il Parlament seçkiləri əsasən elektron üsulla yanaşı, Gürcüstan tarixində ilk dəfə tam proporsional sistemlə keçirilir.
Belə ki, “Gürcü Arzusu” partiyasının siyahısında Zaur Darğallı 25-ci, Savalan Mirzəyev isə 66-cı sıradadır. “Birlik: Milli Hərəkat” siyahısında Ceyhun Məhəmmədəli 33-cü, “Güclü Gürcüstan” koalisiyasının siyahısında Aqil Mustafayev 22-ci, “Dəyişiklik üçün Koalisiya”da isə Oqtay Kazımov 10-cu yerdədir.
