Türkiyə də parlamentdə “xarici təsir agentləri haqqında” qanun layihəsinə baxmağı planlaşdırır.
Regionpress.ge Türkiyə KİV-lərinə istinadən məlumat verir ki, layihənin 2024-cü il iyunun 1-də Türkiyə parlamentinə təqdim edilməsi planlaşdırılır.
KİV-in məlumatına görə, parlamentə təqdim edilməsi gözlənilən paketdə “casusluq” anlayışlarını genişləndirməklə, “xarici təsir agentləri” adlandırılan şəxslərə qarşı cinayət cəzası nəzərdə tutan qanunvericilik dəyişikliyi də var.
Sərhədsiz Reportyorlar Təşkilatına (RSF) görə, sözügedən qanunvericilik prezident Rəcəb Tayyib Ərdoğana nəinki Türkiyə daxilində, həm də onun hüdudlarından kənarda söz və media azadlığını pozmağa davam etməyə imkan verəcək.
Təşkilat hesab edir ki, bu düzəliş xarici ölkələrdə fəaliyyət göstərən Türkiyə vətəndaşlarına, qurumlarına və təşkilatlarına da şamil edilir.
