Sülh yolu ilə inqilab mümkündür. Buna nümunə Berlin divarının yıxılmasıdır.
Regionpress.ge – nin verdiyi məlumata görə, bu barədə Almaniyanın Gürcüstandakı səfirliyinin bəyanatında deyilir.
“Onilliklər ərzində Almaniya Demokratik Respublikası öz vətəndaşlarını repressiya və zorakılıq sistemi ilə idarə edib. ADR vətəndaşları Berlin divarını yıxaraq öz talelərini özləri təyin etmək və azad yaşamaq istəklərini nümayiş etdirərək cəsarətlərini göstərdilər. Bununla da onlar Almaniyanın birləşməsinin əsasını qoydular. Bu gün də eyni sözləri demək olar: Azadlıq özü gəlmir, biz onun uğrunda mübarizə aparmalıyıq — o vaxt da belə idi, bu gün də burada və dünyada belədir”, — deyə bəyanatda bildirilir.
