Siyasətçi Əhməd İmamquliyev “Birlik – Milli Hərəkat” koalisiyasına etiraz edib. O, koalisiyanın seçki siyahısından adının çıxarılmasını tələb edib. Xəbər portalımızın suallarını cavablandıran İmamquliyev qeyd edib ki, siyahıda onun adı razılıq olmadan əlavə edilib: “Bilirsiz ki, mənə sözügedən koalisiyadan təklif gəlmişdi, mən isə onlara öz istəyimi bildirmişdim ki, siyahıda 20-22 yerlərdə namizədliyim irəli sürülərsə bu zaman qoşula bilərəm, lakin onlar buna razı olmadılar məsələ burada bağlandı. İndi isə mənim xəbərim olmadan məni siyahının arxa yerlərinə yazıblar. Bu mən tərəfdən qəbul edilmir və adımın siyahıdan çıxarılmasını tələb edirəm”, – deyə Ə. İmamquliyev qeyd edib. O həmçinin bildirib ki, bu ilki parlament seçkilərində “Gürcü arzusu”na və “Milli Hərəkat”a qarşı mübarizəsini digər müxalifət partiyalarına dəstək verərək davam etdirəcək.
