“Heç kim öz ölkəsini dağıtmaq, mənasız müharibəyə qarışmaq istəmir. Ona görə də biz sülh istiqamətində seçim edən gürcü xalqının verdiyi qərarı başa düşürük”.
Regionpress.ge xəbər verir ki, bu sözləri Macarıstanın baş naziri Viktor Orban Gürcüstan hökumətinin administrasiyasında Gürcüstanın baş naziri İrakli Kobaxidze ilə birgə keçirdiyi brifinqdə bildirib.
Tbilisidə rəsmi səfərdə olan Macarıstanın baş nazirinin qeyd etdiyi kimi, o, əmindir ki, “onilliyin sonuna qədər Gürcüstan ən yaxşı formada Avropa İttifaqının üzvü olmağa hazır olacaq”.
“Macarıstan Ukraynanın yanındadır. Biz müharibənin nə demək olduğunu bilirik, çünki bu, qonşu ölkədə cərəyan edir. Biz sülhün nə qədər vacib olduğunu da başa düşürük. Macarıstan Avropada sülhsevər bir ölkədir və biz sizin səylərinizi yüksək qiymətləndiririk, çünki siz də sülh tərəfdarısınız. Heç kim öz ölkəsini dağıtmaq, mənasız müharibəyə qarışmaq istəməz. Ona görə də biz sülh istiqamətində seçim edən gürcü xalqının verdiyi qərarı başa düşürük. Macarıstanda da belədir.
Ayrıca, açıq şəkildə bildirmək istəyirəm ki, gürcü xalqı sülh üçün seçim etdi, o, Avropa seçimi etdi. Buna görə də hesab edirəm ki, hakim partiya Avropaya inteqrasiyaya sadiqdir. Siz yəqin ki, dünyada yeganə ölkəsiniz ki, konstitusiyada bütün hökumətlərin Aİ-yə qoşulmaq üçün heç bir səy göstərməməsi yazılıb. Belə bir şəraitdə öhdəliyi şübhə altına almaq gülüncdür, həqiqətən də.
Həmçinin, Gürcüstan hökumətini təbrik etmək istərdim ki, siz Avropayönlü siyasət həyata keçirdiyiniz bir şəraitdə ölkənizin başqa Ukraynaya çevrilməsinə imkan vermədiniz.Həmçinin, Gürcüstan hökumətini təbrik etmək istərdim ki, siz Avropayönümlü siyasətiniz şəraitində ölkənizin başqa Ukraynaya çevrilməsinə imkan vermədiniz.Biz Baş nazirin bu ideyaya sadiqliyini çox yüksək qiymətləndiririk və şəxsən mən əminəm ki, onilliyin sonuna qədər Gürcüstan ən yaxşı formada Avropa İttifaqının üzvü olmağa hazır olacaq”.- deyə Orban bildirib.
