“Şəffaflıq haqqında” qanuna yenidən baxılandan bəri Tbilisidə 10 minə qədər insanın mütəmadi olaraq iştirak etdiyi etiraz aksiyaları keçirilir, aksiyalarda iştirak edən gənclərin çoxu tamamilə qeyri-səmimi gənc “millətçilərdir”, – Baş Nazir İrakli Kobaxidze bu barədə açıq məktubunda qeyd edib.
Hökumət başçısı bildirib ki, “Milli Hərəkat”a mənsub televiziyalar bu insanların böyük bir hissəsinin gənc yaşda olmasını, eyni zamanda səmimiyyətini ön plana çıxarır, iqtidarın qulaq asmadığına dair sifarişli “mesaj” yayırlar.
“Aksiyalarda davamlı iştirak edən gənclərin böyük bir hissəsinin tamamilə qeyri-səmimi gənc “millətçi” olması haqda çox danışmayacağam. Bunlar onlarla zorakı gənci birləşdirən “Milli Hərəkat”, Qvaramiya-Melia, Qaxariya və Xazaradze gənclər təşkilatlarıdır. Xazaradze lideri Cen-Zdən xeyli yaşlı olan “Cenzi” hərəkatını maliyyələşdirir. Kezeraşvili qara və qeyri-şəffaf pullarla xarici donorlar tərəfindən maliyyələşdirilən zorakı gənclər təşkilatları – “Sirshvilia”, “Franklin Club”, “Future Academy”, “Students for European Future”, “Azadlıq Hərəkatı”, “İnadkar”, “Talvala” , “Addım”, “Psrtili”, “Dafion” mütəmadi olaraq 200-ə yaxın fəalı bir araya toplayan və birbaşa partiya aktivi ilə birlikdə zorakı gənclərin əsasını təşkil edir”, – Baş nazir bildirib.
